काठमाडौं ,१४ माघ । धरहरासँगै निर्माण भएको पार्किङ भवनको पहिलो तल्लामा आजदेखि निःशुल्क पार्किङ सेवा शुरु भएको छ ।
काठमाडौं महानगरपालिकाले न्युरोडमा कालोपत्रे सडकमाथि सवारी पार्किङ निषेध गरेपछि सवारी चालकहरुलाई सहज पार्किङ स्थल उपलब्ध गराउने क्रममा यो स्थान उपलब्ध गराएको हो ।
महानगर प्रहरी बलका प्रमुख नगर प्रहरी वरिष्ठ उपरीक्षक राजुनाथ पाण्डेले यसअघि काठमाडौं टावरमा निःशुल्क पार्किङ सेवा उपलब्ध गराइसकिएको बताउनुभयो । सरोकारवालासँगको समन्वयमा आजदेखि धरहरा क्षेत्रमा रहेको पार्किङ भवनमा सेवा उपलब्ध गराइको हो ।
५० हजार स्क्वायर फिट क्षेत्रफलमा रहेको निःशुल्क पार्किङले यस क्षेत्रको समस्या केही हदसम्म हल हुने महानगरको दाबी छ । संरचनागत रुपमा यो ठाउँ नेपालकै ठूलो पार्किङ संरचना भएको बताइएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
