खराब मौसमका कारण हवाई उडान प्रभावित ,केहि विमान डाइभर्ट

काठमाडौँ — प्रतिकूल मौसमका कारण मुलुकका हवाई उडान प्रभावित भएका छन्। खराब मौसम र इन–रुट वेदर बिग्रिएको कारणले त्रिभुवन अन्तर्राष्ट्रिय विमानस्थलबाट हुने आन्तरिक तथा अन्तर्राष्ट्रिय उडान दुवै प्रभावित भएका हुन्।

विमानस्थल कार्यालयका अनुसार कतारको दोहाबाट काठमाडौं उड्न लागेको नेपाल एयरलाइन्सको जहाज भारतको नयाँ दिल्लीमा डाइभर्ट गरिएको छ। त्यस्तै, विराटनगरबाट काठमाडौँका लागि उडेको श्री एयरलाइन्सको विमान त्यसै स्थानमा डाइभर्ट गरिएको छ भने काठमाडौँबाट उडेको अर्को विमान भैरहवा डाइभर्ट गरिएको छ।

कम भिजिबिलिटी र खराब मौसमका कारण जहाजले सुरक्षित अवतरण गर्न सकेन। विमानस्थलले यात्रुलाई समयमै जानकारी लिन र आफ्नो यात्रा तालिका परिमार्जन गर्न आग्रह गरेको छ।