काठमाण्डौ। एभरेष्ट बैंक लिमिटेडले आफ्नो शाखा सञ्जाल विस्तार गर्दै व्यवस्थापन प्रशिक्षार्थी (Management Trainee) पदका लागि नेपाली नागरिकहरूबाट आवेदन आह्वान गरेको छ।
बैंकद्वारा जारी सूचनाका अनुसार, व्यवस्थापन प्रशिक्षार्थीका उम्मेदवारहरूले व्यवसाय प्रशासन, वित्त, कम्प्युटर अनुप्रयोग, मानव संसाधन वा सो सरहको स्नातकोत्तर डिग्री प्राप्त गरेको हुनुपर्नेछ। सम्बन्धित विश्वविद्यालयबाट न्यूनतम ६०% अंक (प्रथम श्रेणी) वा ३.२५ सीजीपीए हासिल गरेका वा मान्यता प्राप्त संस्थाबाट चार्टर्ड एकाउन्टेन्ट उत्तीर्ण गरेका उम्मेदवारहरूले आवेदन दिन सक्ने व्यवस्था गरिएको छ।
आवेदकको उमेर आवेदन दिने अन्तिम मितिसम्म ३० वर्ष ननाघेको हुनुपर्ने उल्लेख गरिएको छ।
अंग्रेजी तथा नेपाली भाषामा उत्कृष्ट सञ्चार क्षमता भएका।
कम्प्युटर सम्बन्धी कार्यसाधारण ज्ञान भएका।
बैंकिङ क्षेत्रमा कार्य अनुभव हासिल गरेका।
चयन प्रक्रिया अन्तर्गत, उम्मेदवारहरूलाई लिखित परीक्षा, समूह छलफल तथा अन्तर्वार्ताका विभिन्न चरणहरू पार गर्नुपर्ने व्यवस्था गरिएको छ। सफल उम्मेदवारहरूलाई बैंकले व्यवस्थापन प्रशिक्षार्थीको रूपमा तालिम प्रदान गरी जुनियर अफिसर पदमा नियुक्त गर्ने योजना बनाएको जनाएको छ।
बैंकले कुनै पनि आवेदन स्वीकृत वा अस्वीकार गर्ने सम्पूर्ण अधिकार सुरक्षित राखेको छ भने कुनै पनि चरणमा सिफारिस गरेको पाइए उम्मेदवारलाई अयोग्य ठहर गरिने चेतावनी दिइएको छ।
आवेदन दिने अन्तिम मिति २०८१ चैत २३ (२०२५ अप्रिल ५) तोकिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
