निर्वाचन तोकिएकै समयमा हुनुपर्छ: ओली

काठमाडौँ । नेकपा ९एमाले० का अध्यक्ष केपी शर्मा ओलीले अब तोकिएको समयमै निर्वाचन हुनुपर्ने बताएका छन्। उनले राज्य र उम्मेदवारहरूले चुनावको तयारीमा अर्बौँ रुपैयाँ खर्च गरिसकेको भन्दै चुनाव सार्नु उचित नहुने बताए। चुनाव रोक्ने प्रयास अझै भइरहेको दाबी गर्दै ओलीले एमाले भने कुनै अन्योलमा नपरी चुनाव जित्ने तयारीमा लागिसकेको स्पष्ट पारे।

आइतबार झापाको भद्रपुरमा कार्यकर्ता भेलालाई सम्बोधन गर्दै उनले झण्डा जलाउने विषय सामान्य नभएको बताए। झण्डा आदर्श र आस्थाको प्रतीक भएकाले यसको अपमान सह्य नहुने उनको भनाइ थियो। यस सन्दर्भमा उनले राष्ट्रिय स्वतन्त्र पार्टी ९रास्वपा० तर्फबाट आपराधिक काम भएको आरोप पनि लगाए।

ओलीले आफ्नो ६० वर्षे राजनीतिक जीवनमा कहिल्यै भ्रष्टाचार नगरेको र कमिसनको खेलमा नलागेको दाबी गरे। आफू सधैँ देशको सुरक्षा, विकास र जनताको हितमै सोच्ने व्यक्ति भएकाले पनि अनावश्यक आक्रमण सहनु परेको उनले बताए।

नयाँ शक्ति वा परिवर्तनको नाममा आएका केही तत्वहरूले देशलाई अन्योलतर्फ लैजान खोजेको आरोप लगाउँदै, सक्षम शक्तिलाई रोक्ने प्रयास भइरहेको उनको तर्क छ।