बिज एजुकेशनको आयोजनामा नेपाली वैज्ञानिक महावीर पुनलाई युकेको युनिभर्सिटीमा सम्मान

युनिभर्सिटी अफ सेन्ट्रल लकांशायरले बिज एजुकेशनको आयोजनामा एक भब्य कार्यक्रमका बिच राष्ट्रिय आविष्कार केन्द्रका संस्थापक एवम् नेपाली वैज्ञानिक डा.महाविर पुन मगरलाई सम्मान गरेको छ ।

उक्त कार्यक्रममा डा.पुनले गरेको योगदानको कदर गर्दै सम्मान गरिएको हो । डा. पुनले नेपालको खोज अनुसन्धान तथा प्रविधिको क्षेत्रमा पुर्याएको योगदान र उहाँको कर्मको प्रतिफल स्वरुप सम्मान गरिएको हो । उक्त अवसरमा डा.पुनसगं अन्तरक्रिया तथा छलफल समेत गरिएको थियो । कार्यक्रममा डा. पुनले आफ्नो कामहरु भिडियो मार्फत प्रस्तुत गर्नुभएको थियो।

पुनले जनस्तर र विदेशीको सहयोगबाट स्थापित केन्द्रले ड्रोन, बायोमेडिकल, कृषि, शिक्षा, स्वास्थ्य लगायतका २० भन्दा बढी क्षेत्रमा नयाँ-नयाँ अनुसन्धानको काम गरिरहेको जानकारी गराउनु भयो। कार्यक्रममा उपस्थित विद्यार्थी एवम् अन्य सहभागीहरुले राष्ट्रिय आविष्कार केन्द्र र महाविर पुनको बारेमा जिज्ञासा एवम् टिप्पणीहरु राखेका थिए ।

सो कार्यक्रमका आयोजक समेत रहेका बिज एजुकेशन कन्सलटेन्सीका प्रबन्ध निर्देशक हरि कार्कीले कार्यक्रममा सहभागी सम्पूणलाई धन्यवाद व्यक्त गर्दै डा. महाविर पुनको स्वागत एवम् सम्मान गर्नु भएको थियो।

युनिभर्सिटी अफ सेन्ट्रल लकांशायर र बिज एजुकेशनले राष्ट्रिय आविष्कार केन्द्रलाई अनुसन्धान र विकासका लागी आर्थिक सहयोग समेत प्रदान गरिएको थियो। कार्यक्रममा नेपाल एजुकेशन काउन्सील युकेका पदाधिकारीहरु बसन्त नेपाल, लेखनाथ गैरे, गणेश खड्का, कृष्ण खनाललगायत सयौँको उपस्थिति रहेको थियो ।

नेपालको विकासको लागि र आर्थिक उन्नति कसरी गर्न सकिन्छ भन्ने उद्देश्य सहित स्थापित राष्ट्रिय आविष्कार केन्द्र मार्फत थुप्रै सामाजिक कार्यहरू गर्दै आईरहेको छ ।