डोमिनिकन रिपब्लिकमा नाइटक्लबको छत भत्किँदा ७९ जनाको मृत्यु , १५० बढी घाइते, सयौं बेपत्ता

एजेन्सी । डोमिनिकन रिपब्लिकको राजधानी सान्टो डोमिङ्गोमा रहेको एक नाइटक्लबको छत भत्किँदा कम्तिमा ७९ जनाको मृत्यु भयो र १६० जना घाइते भएका छन३ । सान्टो डोमिङ्गोमा रहेको एक तले जेट सेट नाइटक्लबमा भग्नावशेषमा बाँचेका सम्भावितहरूको खोजी टोलीले गरिरहेको आपतकालीन अपरेशन केन्द्रका निर्देशक जुआन म्यानुएल मेन्डेजले बताए। हामी भग्नावशेष हटाउने र मानिसहरूको खोजी जारी राख्छौं,ू उनले मंगलबार राति भने। हामी मानिसहरूलाई अथक रूपमा खोज्नेछौं। यो घटना मंगलबार बिहान जेट सेट नाइटक्लबमा लोकप्रिय मेरेंगु गायक रुबी पेरेजको कन्सर्टमा भएको थियो।

भग्नावशेषमा फसेकाहरूमध्ये उनी पनि रहेको बताइएको छ। सयौं मानिसहरू घटनास्थल भित्र थिए र लगभग ४०० उद्धारकर्ताहरू अझै पनि जीवित व्यक्तिहरूको खोजी गरिरहेका छन्। मृत्यु हुनेको संख्या अझैबढ्न सक्ने आशंका रहेका छ । प्रारम्भिक रिपोर्ट अनुसार, नाइट क्लबको छत अत्यधिक भारीले दबिएको कारण भत्किएको हो। क्लबमा भइरहेको पार्टीमा सहभागी भएको भीड अत्यधिक थियो, जसको कारण संरचनामा अत्यधिक दबाव परेको थियो। घटनास्थलमा उद्धारकार्य जारी रहेको र केही घाइतेहरूको अवस्था गम्भीर रहेको जनाइएको छ।

स्थानीय प्रशासनले उद्धारकर्मीहरूलाई छिटो घटनास्थलमा पठाएको छ भने, अस्पतालमा घाइतेहरूको उपचार भइरहेको छ। बेपत्ताहरूको खोजी कार्यमा सेना र प्रहरी पनि संलग्न भएका छन्।