बजार,विकास र आर्थिक महत्वका साथ नेपाली वजारमा पुन आउदै नेबिको बिस्कुट

काठमाडौं । राजनैकि र स्वास्थ क्षैत्रबाट सबै क्षेत्र प्रभावित हुदाँ हुदै, आगलागी भएको ४४ दिनपछि नेबिको बिस्कुटले पुनः उत्पादन सुरु गरेको छ । र छिटै बजारमा आउने भएको छ । गत साउन २३ गते बालाजुस्थित उद्योग आगोलागीबाट  पूर्णरूपमा क्षति भएको थियो । नेबिकोले छोटो समयमा नै उत्पादन सुरु गरेको हो ।

कम्पनीले आजदेखि औपचारिक रूपमा बालाजु प्लान्टबाट उत्पादन सुरु ।

कम्पनीका कार्यकारी निर्देशक राजेश रौनियारले राम्रो व्यवस्थापनका कारण आगलागीबाट पूर्णरूपमा बन्द भएको उद्योग सञ्चालनमा ल्याउन सफल भएको जानकारी दिए ।

‘आगलागीबाट भएको क्षतिसँगै हामीले ५७ वर्ष इतिहास बोकेको उद्योगलाई जोगाउनुपर्छ भनेर रातदिन नभनी काम गर्यौं । व्यवस्थापनसँगै सम्पूर्ण कर्मचारीको साथ र सहयोगबाट नै उद्योग पुनःसञ्चालमा ल्याउन सफल भयौं,’ उनले भने ।

उनका अनुसार आजदेखि उत्पादन सुरु भए पनि २–३ दिनपछि मात्र उद्योगका उत्पादन बजार पठाइने छ । आजदेखि प्लान्ट सञ्चालमा आए पनि पूर्णरूपमा सञ्चालनमा आउन अझै केही दिन लाग्ने उनको भनाइ छ ।

विसं २०२१ मा बालाजुस्थित औधोगिक क्षेत्रमा नेपालकै पहिलो बिस्कुट उद्योगका रूपमा स्थापना गरिएको नेबिको  । यो आगलागी हुँदा भवनसँगै आवश्यक उपकरण जलेर नष्ट भएको थियो । १२ करोड बराबरका कच्चापदार्थ, एउटा मेसिन र एक कार्यालय भवन पूर्णरूपमा नष्ट भएको कम्पनीका प्रमुख कार्यकारी अधिकृत केशव भट्टराईले जानकारी दिए ।

उनका अनुसार कम्पनीसँग रहेका दुईवटा मेसिनमध्ये हाल एक मेसिनको मर्मतसम्भार गरेर सञ्चालनमा ल्याइएको हो । आगलागीअघि दैनिक दुईवटा प्लान्टबाट २० देखि २२ टन उत्पादन गर्दै आएको थियो । बालाजु प्लान्टबाट अब १६ टन हाराहारी मात्र उत्पादन हुने अनुमान गरिएको छ । उनका अनुसार कम्पनीसँग रहेका दुईवटा मेसिनमध्ये एक मेसिन पूर्णरूपमा ध्वस्त हुँदा एउटाबाट दैनिक १६ टन उत्पादन हुने अनुमान गरिएको छ ।

बालाजु प्लान्टमा आगलागीपछि बजारको मागअनुसार भैरहवामा रहेको प्लान्टलाई २४सै घन्टा सञ्चालन गरिएको उनले जानकारी दिए ।

नेपाली समाजमा अग्रणी भुमिकामा रहेको यस बा्रण्डका वुस्तु तथा उत्पादनको आफनै पहिचान छ।

‘आगलागीपछि हामीलाई लामो इतिहास बोकेको उद्योेगको सान जोगाउने चुनौती थपियो । आर्थिक तथा मानसिक तनावमा त थियौँ, तर हामीसँग त्योभन्दा बढी इतिहास जोगाउनुपर्ने दबाबका कारण तीन समूहलाई कार्यविभाजन गरेर कामको जिम्मा लगायौं।

उनले भने, ‘एक समूह बजारको मागअनुसार दैनिक १६ घन्टा सञ्चालनमा आएको भैरहवा प्लान्टलाई २४ घन्टा सञ्चालन गर्न लागि पर्यो । फलस्वरूप हामीले भैरहवा प्लान्टलाई पूर्ण क्षमतामा सञ्चालन गरेर बजारको माग पूर्ति गर्न सफल भयौं ।’

नेबिको बिस्कुटले २०७४ सालमा भैरहवामा बन्द अवस्थामा रहेको उद्योग खरिद गरेर प्लान्ट सञ्चालन गर्दै आएको छ ।

नेपाली समाजको विकास राजनैतिक परिवेस, प्रविधि ,राजस्व, बजार, शिक्षा ,खेलकुद स्वास्थ प्रत्येक क्षेत्रमा यस किसिमको विकास र पुन आगमनको सवै क्षेत्रले स्वागत गर्दछ।