पेट्रोल हालेर आँफैमाथि आगो सल्काएका आचार्यको निधन

काठमाडौँ, ११ माघ । संघीय संसद् भवनअगाडि आत्मदाहको प्रयास गरेका प्रेमप्रसाद आचार्यको निधन भएको छ ।

कीर्तिपुरस्थित बर्न अस्पतालमा उपचाररत आचार्यको आज बुधबार विहान निधन भएको हो ।

शरीरमा पेट्रोल हालेर आत्मदाह प्रयास गर्दा शरीरको ८० प्रतिशत भाग जलेको थियो । उनको उपचारकै क्रममा निधन भएको अस्पताल स्रोतले जनाएको छ ।

देशमा गरिखाने अवस्था नभएकोले भन्दै मंगलबार शरिरमा पेट्रोल छर्केर आगो लगाएका थिए । उनलाई तत्कालै कीर्तिपुरस्थित बर्न अस्पताल लगिएर उनको उपचार गरिएको थियो।