क्रिस्टियानो रोनाल्डोद्धारा २०२७ सम्मको लागि अल नासरसँग नयाँ सम्झौतामा हस्ताक्षर

एजेन्सी । क्रिष्टियानो रोनाल्डोले साउदी क्लब अल–नासरसँग आफ्नो सम्झौता नवीकरण गरी ९२ अर्ब रुपैयाँ बराबरको नयाँ डीलमा हस्ताक्षर गरेका छन्। यो सम्झौता गत जेठ १२ देखि चर्चामा रहयो र अन्ततः २०२७ सम्मको दुई वर्षका लागि औपचारिक रूपमा घोषणा भएको हो । उक्त डीलको आधारभूत तलब वार्षिक लगभग ४६८ मिलियन अमेरिकी डलर अर्थात् प्रतिदिन १.२९ मिलियन डलर/करीब ९२ अर्ब नेपाली रुपैयाँ हुने अनुमान गरिएको छ । साथै, रोनाल्डोलाई १५ % क्लबको शेयर र ५२ %सम्म तलब कटौती स्वरूप बोनस तथा स्टक विकल्प पनि दिइएको छ ।

यसका अतिरिक्त उनलाई गोल्डेन बुट, लिग उपाधि, सहायता, आन्तरिक प्रोत्साहन र निजी सुविधाहरूका लागि थप बोनसहरू राखिएको छ । रोनाल्डोले सन् २०२२ डिसेम्बरमा अल–नासरसँग २०२५ सम्मको शुरूवाती सम्झौता गरेका थिए, जुन यस पटक २०२७ सम्म नवीकरण भएको हो ।

उनले अल–नासरसँग १०५ खेलमा ९३ गोल गरेका छन् र गत सिजन SPL गोल्डेन बुट पनि जितेका थिए  ।यो उच्च-मूल्य सम्झौता साउदी प्रो लिगमा क्रान्ति ल्याउने पहलको अघि रहेको छ भने, रोनाल्डोलाई अझ विश्वव्यापी ब्रान्ड एम्बेसडरका रूपमा दीर्घकालीन रूपमा बाँड्न क्लबको योजना स्पष्ट देखिन्छ । यस नयाँ सम्झौतासँगै रोनाल्डो कम्तीमा ४२ वर्षको उमेरसम्म सक्रिय रहँदै फुटबलमा अल–नासरको मुख्य स्तम्भ बन्नेछन्।