नेकपा एकीकृत समाजवादीले बोलायो पोलिटब्युरो र केन्द्रीय कमिटीको बैठक

काठमाडौँ , ६ फागुन ।  नेकपा एकीकृत समाजवादी पार्टीले स्थायी कमिटी बैठकको निष्कर्ष पछि पोलिटब्युरो र केन्द्रीय कमिटीको बैठक बोलाएको छ। पार्टीको स्थायी कमिटी बैठक आज पार्टी केन्द्रीय कार्यालयमा जारी छ।

पोलिटब्युरो बैठक ७ गते पार्टी कार्यालयमा आयोजना गरिनेछ भने केन्द्रीय कमिटी बैठक ८ गते नेपाल प्रशासनिक प्रशिक्षण प्रतिष्ठान, जावलाखेलमा बस्ने महासचिव घनश्याम भूसालले जानकारी दिए । स्थायी कमिटी बैठक सकिएपछि एकै दिनको फरकमा पोलिटब्युरो र केन्द्रीय कमिटीको बैठक राखिएको हो।