आज थप ४३८ जनामा कोरोना संक्रमण पुष्टि,२ जनाको मृत्यु

काठमाडौँ, १४ श्रावण । पछिल्लो २४ घण्टामा थप ४३८ जनामा कोरोना संक्रमण पुष्टि भएको छ  भने २ जनाको मृत्यु भएको छ । । स्वास्थ्य तथा जनसंख्या मन्त्रालयले दिएको जानकारी अनुसार ३ हजार ६९९ जनमा गरिएको परिक्षणबाट थप ४३८ जनामा संक्रमण देखिएको हो ।

यसअवधिमा थप २७७ जनाले कोरोनालाई जितेका छन् । योसहित देशभर हालसम्म कोभिड–१९ संक्रमणमुक्त हुनेको संख्या ९ लाख ६९ हजार ७६५ पुगेको छ ।

२४ घण्टामा थप २ जना कोरोना संक्रमितको मुत्यु भएको छ । योसहित देशभर हालसम्म कोरोना संक्रमणबाट मुत्यु हुनेको संख्या ११ हजार ९६६ पुगेको छ ।

देशभर ४ हजार ३६९ सक्रिय संक्रमित रहेको छ ।

२४ घण्टामा थप ५८ हजार ५६९ जनाले कोभिड–१९ बिरुद्धको खोप लगाएका छन् ।