काठमाडौँ । नेपाली कांग्रेसको केन्द्रीय कार्यसमितिको बैठक आज मंगलबार बस्दै छ। बैठक बिहान ११ बजे पार्टीको केन्द्रीय कार्यालय सानेपामा हुने बताइएको छ। बैठकमा पार्टी भित्र पछिल्ला दिनमा देखिएको अवस्था र विकसित घटनाक्रमबारे छलफल गरिनेछ।
यसैबीच, विशेष महाधिवेशनको माग गर्दै पक्षधरहरूले आयोजना गरेको विशेष महाधिवेशनको बन्दसत्र पनि मंगलबार काठमाडौंको भृकुटीमण्डपमा जारी छ। यो विशेष महाधिवेशन पुस २७ र २८ गतेका लागि बोलाइएको हो। कांग्रेसभित्र यस विषयमा दुई धार देखिएका छन्। संस्थापन पक्षका नेताहरूले यो विशेष महाधिवेशनलाई अवैधानिक भएको बताएका छन्। तर विशेष महाधिवेशनका पक्षधरहरूले भने नेतृत्व र नीति चयन गर्ने उद्देश्यका साथ आफूहरू अघि बढ्ने बताएका छन्।
पार्टीभित्र देखिएको यो विवाद र मतभेदका बीच आज बस्ने केन्द्रीय कार्यसमितिको बैठकलाई महत्वपूर्ण मानिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
