कांग्रेस केन्द्रीय कार्यसमितिको बैठक आज बस्दै

काठमाडौँ । नेपाली काँग्रेसको केन्द्रीय समितिको बैठक आज पनि बस्दैछ । काँग्रेसको केन्द्रीय समितिको बैठक आज दिउँसो २ बजे बस्ने मुख्यसचिव कृष्णप्रसाद पौडेलले जानकारी दिएका छन् । नेपाली कांग्रेसमा महाधिवेशन कहिले गर्ने भन्ने विवाद अझै समाधान भएको छैन। यो विषय मिलाउन एक हप्ता केन्द्रीय कार्यसमिति बैठक रोकेर आन्तरिक छलफल गरिए पनि सहमति बन्न सकेन। कार्यवाहक सभापति पूर्णबहादुर खड्काले बैठक सार्दै–सार्दै आज ९मंसिर ४० सम्म ल्याए पनि कुरा मिलेन।

प्रवक्ता प्रकाशशरण महतका अनुसार पार्टीका दुई पक्ष आफ्नै अडानमा छन्। महामन्त्री पक्षले चुनावअघि महाधिवेशन गर्नुपर्ने भन्छ भने अन्य पक्षले चुनावपछि गर्नुपर्छ भन्ने अडान छ। गगन थापाले पुसमा महाधिवेशन प्रस्ताव गरेका थिए भने सहमहामन्त्री महेन्द्र यादवले वैशाखमा गर्ने प्रस्ताव राखेपछि विवाद झनै चर्किएको छ।