काठमाडौँ महानगर प्रहरी र कपनका स्थानीयबीच झडप

काठमाडौँ, २५ साउन । काठमाडौँ  महानगरपालिका ७ र बूढानीलकण्ठ नगरपालिकाबीचको कपन खोलामाथि बनाइएको स्ल्याब हटाउन खोज्दा झडप भएको छ ।

बिहीबार काठमाडौँ महानगरपालिकाले स्थानीयसँग समन्वय नगरी कपन हुँदै बगेको खहरे खोलाको स्ल्याब भत्काउन खोजेको भन्दै स्थानीयले विरोध गरेका हुन् ।

उक्त स्ल्याब भत्काउन खोज्दा स्थानीय र नगर प्रहरीबीच झडप भएको हो । नगरप्रहरी पुग्नासाथ स्थानीय भेला भएर आफूहरूसँग कुनै समन्वय नगरी महानगरपालिकाले खोतल्न लागेको भन्दै दुवै पक्षबीच झडप भएको हो ।

महानगरको टोली डोजरसहित आएपछि स्थानीयबासीले बूढानीलकण्ठका जनप्रतिनिधिलाई बोलाएका थिए। त्यसपछि बूढानीलकण्ठका मेयर मिठाराम अधिकारी, उपमेयर अनिता लामा र वडा नम्बर १० का वडाध्यक्ष नवराज भट्टराई पुगेका हुन्।