निजामती कर्मचारी अस्पतालबाट विभिन्न पदका लागी कर्मचारी माग (विज्ञापनसहित)

काठमाडौँ, ३० फागुन । निजामती कर्मचारी अस्पतालले विभिन्न पदका लागी कर्मचारी माग गरेको छ। अस्पतालले मंगलबार सार्वजनिक सूचना जारी गर्दै विभिन्न पदमा स्थायी नियुक्तिका लागि ठुलोे संख्यामा स्वास्थ्यकर्मी तथा कर्मचारी माग गरेको हो ।

अस्पतालले एक सय १० भन्दा बढी जनालाई खुला÷समावेशी प्रतियोगितात्मक लिखित परीक्षा मार्फत र २४८ जनालाई सिमित प्रतियोगितात्मक परीक्षा मार्फत स्थायी पदपूर्ती गर्न लागेको जनाएको छ।

नेपाल सरकार, संघीय मामिला तथा सामान्य प्रशासन मन्त्रालय, निजामती सेवा अस्पताल (निजामती कर्मचारी अस्पताल) विभिन्न पदका लागि दरखास्त घोषणा।

लोकसेवा आयोगबाट प्राप्त सहमति अनुसार निजामती सेवा अस्पताल (कर्मचारीको सेवाको अवस्था र सुविधा) नियमावली, २०७० को नियमावली १५ क बमोजिम अस्पतालमा रिक्त रहेका पदहरू खुला÷समावेशी मार्फत पदपुर्ति गर्न लागेको हो । प्रतियोगी परीक्षा तोकिएको अवधिभित्र निम्न न्युनतम योग्यताहरू पूरा गर्ने इच्छुक नेपाली नागरिकहरूबाट दरखास्त आह्वान गरेको छ ।

अस्पतालको वेबसाइट https://career.csh.gov.np/login मार्फत अनलाइन आवेदन दिन सकिने सुचनामा जनाइएको छ ।