मुख्यसचिव डा. वैकुण्ठ अर्यालले दिए राजीनामा

काठमाडौँ, मङ्सिर ३ । मुख्यसचिव डा . वैकुण्ठ अर्यालले राजीनामा दिएका छन् । आइतबार राष्ट्रिय योजना आयोगमा हाजिर गरेलगत्तै मुख्यसचिव अर्यालले सचिवालयमा राजीनामा बुझाएका हुन् । आगामी मन्त्रिपरिषद बैठकले उनको राजीनामाबारे निर्णय गर्ने छ ।

उनले कात्तिक १४ गते भ्रष्टाचार मुद्दामा सफाइ पाएका थिए। अन्तःशुल्क स्टिकर छपाइमा भएको भ्रष्टाचारमा उनी संलग्न भएको भन्दै गत असार ९ गते अख्तियार दुरूपयोग असुन्धानमा आयोगमा मुद्दा परेपछि मुख्यसचिव रहेका उनी त्यतिबेला निलम्बनमा परेका थिए।

मुद्दा जितेसँगै निलम्बन फुकुवा भएकाले उनी पुनः सरकारी जिम्मेवारीमा फर्किएका थिए । अर्याललाई प्रधानमन्त्री तथा मन्त्रिपरिषद्को कार्यालयले गत कात्तिक २० मा रमाना पठाएको थियो । गत कात्तिक १४ मा सफाइ पाएका उनले २० कात्तिकको निर्णयअनुसार आयोगमा हाजिर गरेका थिए ।