आइतबारसम्म वर्षाको सम्भावना

काठमाडौं, चैत ३  ।  पश्चिमी वायुको  प्रभावले देशका कतिपय स्थानमा हल्कादेखि मध्यम वर्षा भइरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

आगामी तीन दिनसम्म अपराह्नपछि देशका धेरैजसो स्थानमा मेघगर्जन, चट्याङसहित हल्कादेखि मध्यम वर्षाको सम्भावना रहेको महाशाखाका मौसमविद् प्रतिभा मानन्धरजनाएका छन् ।

लुम्बिनी ,  मधेश ,बागमती , कोशी,  प्रदेशका केही स्थानहरुमा मेघगर्जन र चट्याङसहित हल्का वर्षा भइरहेको मौसम पूर्वानुमान महाशाखाले जनाएको छ ।

वर्षाको सम्भावना  शनिबार र आइतबारसम्म रहिरहने महाशाखाले जनाएको छ ।