‘कबड्डी ४’लाई सिक्किममा प्रदर्शन गर्न नदिन बौद्ध धर्मगुरुको माग

अभिनेत्री मिरुना मगर र बौद्ध भिक्षु फुर्वा तामाङबीचको विवाद अझै रोकिएको छैन । दुवै पक्षले माफी मागिसकेका छन्र ।सिक्किमका बौद्ध धर्मगुरु ओङ्दी पिन्त्सोले गान्तोकमा पत्रकार सम्मेलन गर्दै फिल्म कबड्डी ४’लाई भारतको सिक्किममा प्रदर्शनमा रोक लगाउन स्थानीय प्रशासनलाई आग्रह गरेका छन् ।

सिक्किममा ‘कबड्डी ४’लाई जुन १७ मा रिलिज गर्ने तयारी छ ।पत्रकार सम्मेलनमा पिन्त्सोले भने, यदि रिलिज भएको खण्डमा सबै लामाहरु सडकमा उत्रिनेछन् र हल तोडफोड भए त्यसको जिम्मेवार हामी हुनेछैनौं ।

उनले भने, ‘नेपालमा समेत विवाद समाधान हुनुपर्ने हाम्रो आग्रह छ ।  यस विरुद्ध सबैले आवाज उठाउनु जरुरी छ उनले भनेका छन्र ।