काठमाडौँ । वीर अस्पताल ले स्वास्थ्य बीमाबाट पाइने केही सेवा घटाएको छ। अस्पतालले अब दीर्घरोगका बिरामीलाई बीमा मार्फत एकपटकमा एक महिनासम्मका लागि मात्र औषधि दिने निर्णय गरेको हो। यसअघि भने तीन महिनासम्म पुग्ने औषधि उपलब्ध गराइँदै आएको थियो।
अस्पतालका अनुसार यो नयाँ व्यवस्था १ फागुनदेखि लागू हुनेछ। सूचनामा भनिएको छ, “१ फागुनदेखि अर्को व्यवस्था नभएसम्म बिमित सदस्यलाई एक महिनाका लागि मात्र औषधि दिइनेछ।”
अहिले स्वास्थ्य बीमा कार्यक्रम गम्भीर आर्थिक समस्यामा परेको छ। लामो समयदेखि अस्पतालहरूले उपचार गरेबापतको रकम नपाउँदा धेरै ठूला अस्पतालहरूले समय तोकेर बीमा सेवा सीमित गर्न वा बन्द गर्न थालेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
