बिग एजुकेशन कन्सल्टेन्सीले ‘बिग एजुकेशन फेयर’ आयोजना गर्दै

काठमाडौं ,३ फागुन ।शैक्षिक परामर्शमा आफ्नो विशेषज्ञताका लागि प्रख्यात बिग एजुकेशन कन्सल्टेन्सीले भोलि शुक्रबार, फागुन ४ गते ‘बिग एजुकेशन फेयर’ आयोजना गर्दैछ । ‘फेब्रुअरी ४ ठूलो को बहार’ भन्ने नाराका साथ नयाँ बानेश्वरस्थित कन्सल्टेन्सी कार्यालयमा यो कार्यक्रम हुन लागेको हो ।

मेलामा बेलायत र अमेरिकाका ख्यातिप्राप्त शैक्षिक संस्थाहरुको सहभागिता रहेको बिग एजुकेशनका संस्थापक प्रमुख कार्यकारी अधिकृत सुरज केसीले जानकारी दिए । उनले बेलायत र अमेरिकामा अध्ययन गर्न चाहने विद्यार्थीले यो मेलालाई बहुमूल्य अवसरका रुपमा हेर्न सक्ने बताए ।

मेलामा सहभागी हुने शैक्षिक संस्थाका प्रतिनिधिसँग विद्यार्थीले प्रत्यक्ष परामर्श गर्ने अवसर पाउने प्रमुख कार्यकारी अधिकृत केसीले बताए । थप रूपमा, यो कार्यक्रमले बेलायत र अमेरिका दुवैका शीर्ष विश्वविद्यालयहरूका प्रतिनिधिहरूसँग अन्तर्वार्ता लिने बहुमूल्य अवसर प्रदान गरेकोमा जोड दिइयो।

केसीले बेलायतको वेस्ट अफ लन्डन विश्वविद्यालय, क्याटबरी च्यारिटी चर्च युनिभर्सिटी, बीपीपी युनिभर्सिटी, एभिला युनिभर्सिटी, ट्राइन युनिभर्सिटी, मिसौरी साउदर्न स्टेट युनिभर्सिटी, स्ट्यान्टन युनिभर्सिटी, वेबस्टर युनिभर्सिटीलगायत विभिन्न शैक्षिक संस्थाहरू रहेको बताए। ,

मेलामा सहभागी हुने विद्यार्थीहरुलाई विभिन्न बिषयमा पुरस्कार, छात्रवृत्ति र आकर्षक छुट प्रदान गरिने बिग एजुकेशनले जनाएको छ । मेला बिहान १० बजेदेखि बेलुकी ४ बजेसम्म चल्ने छ ।