ढुक्क हुनुहोस् यो  सरकार पाँच वर्षसम्मै टिक्छ:प्रधानमन्त्री दाहाल

काठमाडौं, चैत १५ । प्रधानमन्त्री पुष्पकमल दाहाल ‘प्रचण्ड’ले वर्तमान सरकार पाँच वर्षसम्मै  टिक्ने बताएका छन् । बुधवार न्यायिक समितिको पहिलो राष्ट्रिय सम्मेलनमा  बोल्दै उनले यो  सरकार पाँच वर्षसम्मै टिक्ने र यसमा  सबैलाई  ढुक्क हुन आग्रह गरे ।

प्रधानमन्त्री प्रचण्डले भने, ‘‘कामनपा प्रमुख बालेन्द्र साहज्यूले सरकार फेरबदल भइरहँदा कतिपय कठिनाइ आएको कुरा गर्नुभयो, तर स्थानीय तहको निर्वाचनपछि सङ्घ र प्रदेशको निर्वाचन भइसकेर यहाँसम्म आइसक्दा म नै सरकारमा छु, तपाई ढुक्क हुनुहोस्, यो सरकार पाँच वर्ष नै टिक्छ भन्ने मलाई विश्वास छ ।’’

कामनपाका प्रमुख बालेन्द्र साहले सरकार फेरबदल भइरहँदा स्थानीय तहलाई पनि काम गर्न कठिनाइ भइरहेको बताएका थिए ।