बालेन शाह आज रास्वपा केन्द्रीय कार्यालय पुग्दै, बैठक र स्वागत कार्यक्रम तय

काठमाडौँ । राष्ट्रिय स्वतन्त्र पार्टी (रास्वपा) का वरिष्ठ नेता र काठमाडौं महानगरपालिकाका प्रमुख बालेन शाह आज दिउँसो १ बजे पार्टी केन्द्रीय कार्यालय पुग्दैछन्। रास्वपाका अनुसार आज दिउँसो २ बजे केन्द्रीय समितिको बैठक बस्ने भएको छ। सो अवसरमा पार्टीले बालेन शाहको स्वागत पनि गर्ने तालिका तयार गरेको छ।

बैठकपछि बालेन शाह पार्टी सभापति रवि लामिछानेसँगै साँझ ५ बजे बुद्ध एयरको जहाजबाट जनकपुर प्रस्थान गर्ने छन्। जनकपुर भ्रमणको क्रममा उनी पार्टीका विभिन्न कार्यक्रम र भेटघाटहरूमा सहभागी हुने जनाइएको छ।