काठमाडौँ । नेकपा एमालेका नेता महेश बस्नेतले तीन वर्षअघि बालेन शाहको व्यवहार र सोचबारे गरिएको टिप्पणी अहिले आएर सही ठहरिन थालेको टिप्पणीकारहरूले बताएका छन्। उनका अनुसार त्यतिबेला आफूलाई आलोचना गर्ने धेरैले अहिले भनेका छन्, “तपाईं ठिक हुनुहुँदो रहेछ, हामी नै गलत रहेछौँ।”
हालै मेयर शाहले सामाजिक सञ्जालमा लेखेको र तुरुन्तै हटाएको स्टाटसले उनको चरित्र र राजनीतिक स्तरबारे नयाँ प्रश्नहरू उठाएको छ। स्रोतका अनुसार उक्त घटनाले उनको वास्तविक सोच र शैली स्पष्ट भएको बताइन्छ।
उनी भन्छन्— “थोरैलाई धेरै समयसम्म, धेरैलाई थोरै समयका लागि झुक्काउन सकिन्छ, तर सबैलाई सधैं झुक्काउन सकिँदैन।” बालेन शाहले अब जनताको विश्वास गुमाउन थालेको टिप्पणी सार्वजनिक हुँदै गएको छ।
मेयर बालेनले शनिबार मध्यराति अंग्रेजीमा अश्लील शब्द प्रयोग गरी अमेरिका, भारत र चीन तथा नेकपा एमाले, नेपाली कांग्रेस, राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा) र माओवादीलाई गाली गरेका थिए तर व्यापक आलोचना हुन थालेपछि उनले केही बेरपछि त्यो स्टाटस हटाएका थिए । तर त्यसको स्क्रिनसट राखेर सामाजिक सञ्जालमा उनको चौतर्फी विरोध भइरहेको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
