अष्ट्रेलिया चुनाव:अल्बानीजको लेबर पार्टीको शानदार जित

काठमाडौँ, २१ वैशाख । अष्ट्रेलियामा भएको पछिल्लो संसदीय चुनावमा प्रधानमन्त्री एन्थोनी अल्बानिजको नेतृत्वमा रहेको लेबर पार्टीले शानदार जित हात पारेको छ। जनताको विश्वास जित्दै अल्बानिज फेरि प्रधानमन्त्री बन्ने सुनिश्चित भएको छ। चुनावमा लेबर पार्टीले अपेक्षाभन्दा धेरै सिट जितेर संसदमा बहुमत प्राप्त गरेको छ। यो जितलाई अल्बानिजको लोकप्रियता, जनतासँगको सम्पर्क र नीतिगत सफलताको संकेतका रूपमा हेरिएको छ।

आर्थिक सुधार, वातावरण संरक्षण र शिक्षा क्षेत्रमा उनले गरेका कामलाई मतदाताले सकारात्मक रूपमा मूल्याङ्कन गरेका छन्। अल्बानिजले जितपछि जनतालाई धन्यवाद दिँदै अझ जिम्मेवार सरकार सञ्चालन गर्ने प्रतिबद्धता व्यक्त गरेका छन्। उनले सबै अष्ट्रेलियालीको हितमा काम गर्ने र विभाजन होइन, एकताको सन्देश दिने बताएका छन्। प्रमुख विपक्षी दलका नेताले पनि जनताको मतको सम्मान गर्दै लोकतान्त्रिक पद्धतिको रक्षा गर्ने बताएका छन्।

अन्तर्राष्ट्रिय विश्लेषकहरूले अष्ट्रेलियामा लोकतन्त्र बलियो हुँदै गएको र जनताले स्थायित्वलाई रोजेको टिप्पणी गरेका छन्। अल्बानिजको पुनः जितसँगै अष्ट्रेलियाको राजनीतिक स्थायित्व र आर्थिक एजेन्डा थप सुदृढ हुने अपेक्षा गरिएको छ।