एजेन्सी । अष्ट्रेलियाले आजदेखि १६ वर्षमुनिका बालबालिकालाई सामाजिक सञ्जाल साइटहरू प्रयोग गर्न रोक्ने कडा नीति लागू गरेको छ। यो नीति अन्तरगत टिकटक, फेसबुक, इन्स्टाग्राम, थ्रेड्स, एक्स, स्न्यापच्याट, युट्युब, रेडिट, किक र ट्विच जस्ता प्लेटफर्महरू १६ वर्षमुनिका बालबालिकाका लागि पूर्णरूपमा प्रतिबन्धित हुनेछन्।
तर साना किशोरकिशोरीहरूले डिस्कर्ड, मेसेन्जर किड्स, व्हाट्सएप, पिन्टरेस्ट, किड्स हेल्पलाइन, गुगल क्लासरूम र युट्युब किड्स जस्ता प्लेटफर्म प्रयोग गर्न पाउनेछन्। च्याटजीपीटी, ओपनएआई सोरा र गुगल जेमिनी जस्ता एआई च्याटबटहरूमा भने कुनै प्रतिबन्ध लाग्दैन।
अष्ट्रेलिया सामाजिक सञ्जालमा उमेर प्रतिबन्ध लागू गर्ने पहिलो देश बनेको हो। अन्य देशहरू, जस्तै चीन, रूस, उत्तर कोरिया, इरान, टर्की, युगान्डा, साउदी अरेबिया र भारतमा पूर्ण वा आंशिक सामाजिक सञ्जाल प्रतिबन्ध छन्, प्रायः राजनीतिक वा सुरक्षा कारणले। डेनमार्क, फ्रान्स, नर्वे र मलेसिया जस्ता देशहरू पनि अष्ट्रेलियाको जस्तो नीति लागू गर्ने विचार गरिरहेका छन्।
यो कदम अमेरिकी मनोवैज्ञानिक जोनाथन हैड्टको पुस्तक द एन्क्सियस जेनेरेसन बाट प्रेरित भएको हो। दक्षिण अष्ट्रेलियाका प्रधानमन्त्री पिटर मालिनौस्कसकी पत्नी अन्नाबेल वेस्टले २०२४ मा पुस्तक पढेर आफ्नो पतिलाई प्रतिबन्धको बारेमा विचार गर्न प्रोत्साहित गरेकी थिइन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
