काठमाडौं । अबदेखि नेपाल स्टक एक्सचेन्ज (नेप्से) ले शुक्रबार पनि शेयर किनबेच खुला गर्ने निर्णय गरेको छ। सरकारले इन्धन बचत गर्न आइतबार सार्वजनिक बिदा दिने निर्णय गरेपछि नेप्सेले आफ्नो कारोबार समय परिवर्तन गरेको हो।
अब नयाँ व्यवस्थाअनुसार आइतबार शेयर बजार बन्द रहनेछ भने शुक्रबार नियमित रूपमा कारोबार हुनेछ। नेप्सेले लगानीकर्तालाई असर नपरोस् र बजार सक्रिय रहोस् भनेर सातामा पाँच दिन कारोबार कायम राख्न यस्तो निर्णय गरेको जनाएको छ।
यसअघि पनि २०७९ सालमा शनिबार र आइतबार दुवै दिन बिदा हुँदा नेप्सेले शुक्रबार कारोबार खुला गरेको थियो। पछि आइतबारको बिदा हटेपछि पुरानै तालिका लागू गरिएको थियो। अब भने नयाँ नियमअनुसार शनिबार र आइतबार बजार बन्द रहनेछ र सोमबारदेखि शुक्रबारसम्म शेयर कारोबार सञ्चालन हुनेछ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
