एजेन्सी — बंगलादेशकी पूर्व प्रधानमन्त्री खालिदा जियाका छोरा तारिक रहमान १७ वर्षपछि स्वदेश फर्किएका छन्। उनको स्वागत गर्न विमानस्थल नजिकै करिब १,००,००० बीएनपी पार्टीका कार्यकर्ता भेला भएका थिए।
शेख हसिनाको सरकारको समयमा उनी विरुद्ध भ्रष्टाचारका मुद्दा चलिरहेको थियो र २००८ मा पक्राउबाट बच्न लन्डन भागेका थिए। बंगलादेशमा अर्को वर्ष फेब्रुअरी १२ मा आम चुनाव हुने तालिका छ। शेख हसिनाको पार्टी, अवामी लिगलाई प्रतिबन्ध लगाइएको छ, जसले गर्दा बंगलादेश नेशनलिस्ट पार्टी (बीएनपी) चुनावमा अग्रणी देखिएको छ। बीएनपीकी अध्यक्ष खालिदा जिया ८० वर्षकी हुनुहुन्छ र स्वास्थ्य अवस्था कमजोर भएकाले रहमान भविष्यमा प्रधानमन्त्रीको दावेदार बन्न सक्ने चर्चा छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
