विद्युतीय पोलमा तानिएका तार हटाउँन ४५ दिनको सूचना

काठमाडौँ  , १५ कात्तिक |  नेपाल विद्युत् प्राधिकरणले आफ्नो स्वामित्वमा रहेका विद्युतीय पोलमा तानिएका केबल टेलिभिजन,टेलिफोनका ,इन्टरनेट  तार तथा उपकरणहरू व्यवस्थापन गर्न  ४५ दिनको सूचना निकालेको छ ।

प्राधिकरणले मंगलबार सार्वजनिक सूचनामार्फत दूरसञ्चार, केवल टीभी र इन्टरनेट सेवा प्रवाहका लागि विद्युतीय पोलमा राखिने संरचनाको मापदण्ड तोक्दै ४५ दिनको समय अवधिमा व्यवस्थापन गर्न आग्रह गरेको छ ।

तोकिएको समयमा पनि पोलमा तानिएका तारको व्यवस्थापन नगरे नेपाल विद्युत् प्राधिकरण आफैँले हटाउने सूचनामा उल्लेख छ ।