सुनको मूल्य प्रतितोला एक लाख २१ हजार छ सय

काठमाडौं, मङ्सिर १८  । नेपाली बजारमा आज सुनको मूल्यमा नयाँ किर्तीमान कायम भएको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलाको एक लाख २१ हजार छ सय  रुपैयाँ कायम भएको छ ।

यो मुल्य हालसम्मकै उच्च मुल्य हो । सुनको भाउ आज प्रतितोला  ८   सय रुपैयाँले बढेको हो । आइतबार छापवाल सुन प्रतितोला   एक लाख २० हजार आठ रहेको थियो ।

त्यस्तै, तेजाबी सुन तोलाको एक लाख २१ हजारमा कारोबार भइरहेको छ । चाँदी प्रतितोको एक हजार पाँच सय ४५   रुपैयाँमा कारोबार भइरहेको महासंघले जनाएको छ ।