राजनीतिक नेतृत्वले घुँडा टेकेको र देशले नयाँ राजनीतिक बाटो खोजिरहेकोले,प्रदर्शनकारीहरूलाई सार्वजनिक सम्पत्तिमा थप क्षति नपुर्‍याउन आग्रह

काठमाडौं। जेनजी आन्दोलनले प्रदर्शनकारीहरूलाई सार्वजनिक सम्पत्तिमा थप क्षति नपुर्‍याउन आग्रह गरेको छ।जेनजी आन्दोलनले एक सार्वजनिक अपील जारी गर्दै आन्दोलनको सफलतापछि राजनीतिक नेतृत्वले घुँडा टेकेको र देशले नयाँ राजनीतिक बाटो खोजिरहेको बताएकाे छ।

अपीलमा भनिएको छ, ‘अब यो देश हाम्रो नेतृत्वमा आएको छ, सार्वजनिक सम्पत्ति हामी सबैको सम्पत्ति हो। त्यसैले आन्दोलनमा संलग्न साथीहरूलाई संयमित रहन र सार्वजनिक सम्पत्तिमा क्षति नपुर्‍याउन हार्दिक अनुरोध गर्दछौं।’

जेनजी आन्दोलनले सर्वस्वीकार्य व्यक्तिको नेतृत्वमा नागरिक सरकार गठन गरी नयाँ निर्वाचनमा जाने तयारी भइरहेको पनि जनाएको छ।