मोटर रेसका क्रममा श्रीलंकामा दुर्घटना हुँदा ७ को मृत्यु, २१ घाइते

एजेन्सी | श्रीलंकामा आइतवार एक रेस कारले दर्शकलाई ठक्कर दिँदा ७ जनाको मृत्यु भएको छ भने २१ जना घाइते भएका छन् ।

दियातलावाको रेस ट्र्याकमा दुर्घटना हुँदा हजारौं उपस्थित थिए। श्रीलंकाको दियातलावा शहरमा आयोजना गरिएको उक्त रेसका क्रममा भएको दुर्घटनामा २१ जना घाइते भएका छन् । दुर्घटनामा ५ जनाको घटनास्थलमा नै मृत्यु भएको छ भने अन्य २ जनाको उपचारका क्रममा मृत्यु भएको हो ।

मृत्यु हुनेमा एक आठ वर्षीया केटी सहित चार रेस अधिकारी र दर्शकहरू रहेका छन् । प्रहरीको पूर्ण अनुसन्धान भइरहेको जनाएको छन् । घटनालगत्तै रेस कार्यक्रम स्थगित गरिएको थियो ।