बारा प्रिन्सिपल सर्राफको हत्या प्रकरण: ७ जना पक्राउ

काठमाडौं, कात्तिक १४। बाराको कलैया स्थित बाल एकता ईङ्गलिश बोर्डिङ स्कुलका प्रिन्सिपल रुपेश सर्राफको हत्यामा संलग्नहरूलाई प्रहरीले पक्राउ गरेको छ । हत्यामा संलग्न आरोपमा ७ जनालाई प्रहरीले  पक्राउ गरेको छ । अज्ञात समूहको गोली लागेर घाइते भएका बाराका स्कुल सञ्चालक रुपेश सराफको उपचारको क्रममा निधन भएको हो।

सोमबार दिउँसो कलैया उपमहानगरको मुख्यबजारमै उनीलाई मोटरसाइकलमा आएका दुई जना अज्ञात व्यक्तिले तीन राउण्ड गोली हानेका थिए ।

गोली लागेर घाइते भएका उनलाई कलैया प्रादेशिक अस्पताल लगिएको थियो । त्यहाँ उपचार हुन नसकेपछि बीरगञ्जस्थित वयोधा अस्पतालमा लगिएको स्वर्णकारको उपचारको क्रममा मृत्यु भएको प्रहरीले जनाएको छ।

कलैया निवासी रुपेश सराफको छाती र घाँटीमा २ राउण्ड गोली प्रहार भएको प्रहरीले जनाएको छ।