काठमाडौँ । बंगलादेशका नवनिर्वाचित प्रधानमन्त्री तारिक रहमानको शपथ ग्रहण समारोहमा नेपालका परराष्ट्रमन्त्री बालानन्द शर्माको सहभागिता हुने भएको छ। प्रधानमन्त्री सुशीला कार्कीले परराष्ट्रमन्त्री शर्मालाई उक्त समारोहमा सहभागी हुन निर्देशन दिएका थिए, जसको जानकारी प्रधानमन्त्रीका प्रेस सल्लाहकार राम रावलले दिए।
बंगलादेशमा हालै सम्पन्न निर्वाचनमा बंगलादेश नेसनलिस्ट पार्टी (बीएनपी) ले दुई तिहाइ बहुमत प्राप्त गरेको थियो। बीएनपीका प्रमुख रहमान मंगलबार प्रधानमन्त्रीको रूपमा शपथ लिने छन्। परराष्ट्रमन्त्री शर्मा आजै ढाका प्रस्थान गर्नेछन्।
शपथ ग्रहण समारोहमा भाग लिनका लागि अन्तरिम सरकारका मुख्य सल्लाहकार मोहम्मद युनुसले नेपालसहित चीन, साउदी अरेबिया, भारत, पाकिस्तान, टर्की, यूएई, कतार, मलेसिया, ब्रुनेई, श्रीलंका, माल्दिभ्स र भुटानका सरकार प्रमुखहरूलाई निमन्त्रणा पठाइसकेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
