पाकिस्तानद्धारा इरानमा जवाफी हमला , सात जनाको मृत्यु

एजेन्सी |  मङ्गलबार अबेर राति इरानले पाकिस्तानमा हमला गरेपछि पाकिस्तानले इरानमा जवाफी मिसाइल हमला सुरु गरेको छ, जसमा सात जनाको मृत्यु भएको छ। पाकिस्तानले आफ्नो हमलाले इरानको सिस्तान(बलुचेस्तान प्रान्तमा आतंकवादी लुकाउने ठाउँमा मारेको जनाएको छ।

इरानको सरकारी टेलिभिजनका अनुसार तीन महिला र चार बालबालिका मारिएका छन् । पाकिस्तानको विदेश मन्त्रालयले भनेको छ, “ठूलो परिमाणमा आतंकवादी गतिविधि हुन लागेको विश्वसनीय गुप्तचर सूचनाको आधारमा बिहीबार हवाई आक्रमण गरिएको छ ।”

पाकिस्तान र इरानले लामो समयदेखि एकअर्कालाई आफ्नो साझा सिमानामा रहेका क्षेत्रहरूबाट आक्रमण गर्ने आतङ्ककारी समूहहरूलाई शरण दिएको आरोप लगाउँदै आएका छन्। बिहीबार, पाकिस्तानको विदेश मन्त्रालयले आफ्नो हमलाको पुष्टि गरेको छ, जुन इरानी मिडियाले सारावन सहरको वरपर भएको बताएको छ। इरानले पाकिस्तानमा मंगलबार राति ‘आतंकवादी समूह’विरुद्ध आक्रमण गरेको पुष्टि गरेपछि उक्त हमला गरिएको हो ।