काठमाडौं — नेपाल टेलिकमले प्रक्षेप थापा क्षेत्रीलाई आफ्नो नयाँ सहप्रवक्ताको जिम्मेवारी प्रदान गरेको छ। कम्पनीले बुधबार जारी गरेको सूचनामा क्षेत्रीलाई सहप्रवक्ता नियुक्त गरिएको जानकारी दिइएको छ।
क्षेत्री यसअघि कम्पनीको केन्द्रीय कार्यालयमा प्रमुख व्यावसायिक अधिकृतको कार्यालयमा उपप्रबन्धकको रूपमा कार्यरत थिए। उनको नियुक्ति कम्पनीको सञ्चार र जनसम्पर्क क्षमतामा थप बल थप्ने उद्देश्यले गरिएको प्रवक्ता रविन्द्र मानन्धरले जानकारी दिएका छन्।
नेपाल टेलिकमले यस नियुक्तिसँगै आफ्ना नीति, योजनाहरू र सेवा सम्बन्धी जानकारी प्रभावकारी ढङ्गले सञ्चार गर्ने रणनीति अघि बढाउने जनाएको छ। क्षेत्रीको अनुभवले कम्पनीको आन्तरिक र बाह्य सञ्चार प्रणालीलाई सुदृढ पार्ने विश्वास गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
