जुम्लामा जीप दुर्घटना हुँदा चालक र सहचालकको मृत्यु

काठमाडौं, १७ भाद्र । जुम्लामा जिप दुर्घटना हुँदा दुई जनाको मृत्यु भएको छ ।

जिल्लाको कनकासुन्दरी–४ अन्र्तगत नाग्म गमगड राजमार्गमा पर्ने ठगुनेरामा बिहान पौने ७ बजे भे. १ ज १०९९ नम्बरको जिप दुर्घटना भएको हो ।

दुर्घटनामा चालक र सहचालकको मृत्यु भएको जिल्ला प्रहरी कार्यालय जुम्लाका सूचना अधिकारी प्रहरी निरीक्षक उमेश चन्दले जानकारी दिए ।

मृतकको पहिचान भएको छैन । प्रहरी निरीक्षक चन्दका अनुसार गुठीज्यूलाबाट मुगु जादै गरेको उक्त जिपमा अन्य यात्रु थिएनन् । जिप सडकबाट करिब तीन सय मिटर तल खसेको छ ।