जाजरकोट भूकम्प: उपचारका क्रममा एकको मृत्यु

काठमाडौँ,कात्तिक २४  ।  जाजरकोट भूकम्पमा परेर घाइते भएका थप एक जनाको उपचारका क्रममा मृत्यु भएको छ । मृत्यु हुनेमा कर्णाली प्रदेश अस्पतालमा उपचाररत रूकुम पश्चिमको चौरजहारी नगरपालिका १ का २५ वर्षीय निरज विष्ट रहेका  छन् ।

उनको आइसीयूमा उपचार भइरहेको अस्पताल प्रशासनले जनाएको छ। विष्ट आज बिहान ९ बजे उपचारको क्रममा मृत्यु भएको  हो ।

यससँगै जाजरकोट र रुकुम पश्चिम भूकम्पमा परि ज्यान गुमाउनेको संख्या १५४ पुगेको छ । भूकम्पमा परी   रुकुम पश्चिममा ५३  र जाजरकोटमा  १०१ जनाको मृत्यु भएको छ।