चीन भूकम्प: मृत्यु हुनेको सङ्ख्या १११ पुग्यो

एजेन्सी  ।  चीनको गान्सु प्रान्तमा सोमबार राति शक्तिशाली भूकम्पको धक्का महसुस गरिएको छ । भूकम्पको तीव्रता रिक्टर स्केलमा ६.२ मापन गरिएको छ । चाइना अर्थक्वेक नेटवर्क सेन्टर (CENC)का अनुसार सोमबार राति करिब १२ बजेतिर पश्चिमी चीनको गान्सु प्रान्तमा भूकम्पको धक्का महसुस गरिएको थियो ।

समाचार एजेन्सी एएफपीका अनुसार चीनको गान्सु प्रान्तमा गएको भूकम्पबाट मृत्यु हुनेको संख्या १११ पुगेको छ । योसँगै दुई सयभन्दा बढी घाइते भएका छन् ।

भूकम्पको तीव्रता यति धेरै थियो कि धेरै भवनहरु ध्वस्त भएको खबर आएको छ । भवनहरु भत्किँदा धेरै मानिसहरु भग्नावशेषमुनि दबिएका छन् । उही समयमा, किङ्हाइ प्रान्तको मिन्हे काउन्टी र जुन्हुआ सालार स्वायत्त काउन्टीमा दुई जनाको मृत्यु भएको छ।

एस जियोलोजिकल सर्भेका अनुसार भूकम्पको केन्द्रविन्दु चीनको लान्झाउबाट १०२ किलोमिटर दक्षिणपश्चिममा ६ माइलको गहिराइमा थियो।