चीनको युनानमा पहिरोमा परी कम्तीमा ४७ जनाको मृत्यु

एजेन्सी | चीनको दक्षिणपश्चिमी प्रान्त युनानमा सोमबार बिहान गएको पहिरोमा परी कम्तीमा ४७ जना पुरिएका सरकारी सञ्चारमाध्यमले जनाएका छन् ।राष्ट्रपति सी जिनपिङले सम्भव भएसम्म क्षति न्यूनीकरण गर्न खोजी तथा उद्धार कार्यमा सबैलाई आग्रह गर्नुभएको छ । स्थानीय समय अनुसार आज बिहान ५: ५१ बजे पहिरो गएको हो ।

सामाजिक सञ्जालमा भाइरल भइरहेका भिडियोहरूमा उद्धारकर्ताहरू हिउँले ढाकिएका अग्लो पहाडहरूको पृष्ठभूमिमा भग्नावशेषको थुप्रोमा हिंडिरहेको देख्न सकिन्छ ।पीपुल्स डेलीका अनुसार घटनापछि यस क्षेत्रबाट ५०० भन्दा बढी व्यक्तिलाई पनि सुरक्षित स्थानमा सारिएको छ।

लिआङ्सुई गाउँका स्थानीयवासीका अनुसार  धेरै चर्को आवाजका साथ ठुलो भूकम्पको धक्का महसुस पनि भयो ।