आज ७८ औँ स्थापना दिवस मनाउँदै नेपाली काँग्रेस

काठमाडौँ, माघ १२  । नेपाली काँग्रेसले आज  ७८ औँ स्थापना दिवस मनाउँदै छ । नेपाली काँग्रेसले  २००३ माघ १२ मा पहिलो अधिवेशन गरेको थियो । यहिँ दिनलाई आधार मान्दै नेपाली कांग्रेसले हरेक वर्ष स्थापना दिवस मनाउँदै आएको छ ।

काँग्रेस पार्टी सचिवालयका अनुसार स्थापना दिवसको अवसरमा सातै प्रदेश र जिल्लामा विभिन्न कार्यक्रम गरी स्थापना दिवस मनाउने तयारी रहेको छ । आज दिउँसो कांग्रेसको केन्द्रीय कार्यालयमा सभापति शेरबहादुर देउवाको उपस्थितिमा श्रद्धा, सङ्कल्प र सम्मान कार्यक्रम गरिने मुख्यसचिव कृष्णप्रसाद पौडेलले बताए ।