आज प्रधानमन्त्री र दलसँग छलफल गर्दै निर्वाचन आयोग

काठमाडौं । निर्वाचन आयोगले आज प्रधानमन्त्रीसहित विभिन्न राजनीतिक दलका प्रतिनिधिसँग छलफल गर्दैछ। आगामी २१ फागुनमा तय गरिएको प्रतिनिधिसभा निर्वाचनको तयारी र व्यवस्थापनका विषयमा छलफल गर्न आयोगले प्रधानमन्त्री र दलका प्रतिनिधिलाई बोलाएको हो।

निर्वाचन आयोगका प्रवक्ता नारायणप्रसाद भट्टराईका अनुसार उक्त छलफल आज दिउँसो १ बजे प्रधानमन्त्री तथा मन्त्रिपरिषद्को कार्यालय, सिंहदरबारमा हुनेछ। छलफलमा निर्वाचनको तयारी, आचारसंहिता, सुरक्षा व्यवस्था तथा सहकार्यका विषयमा कुराकानी हुने बताइएको छ।