प्रधानमन्त्री प्रचण्डले आज सांसदहरुले उठाएका प्रश्नको जवाफ दिने

काठमाडौँ, जेठ ४  । आज प्रतिनिधि सभाको दोस्रो अधिवेशनको छैँटौ बैठक बिहान ११ बजे बस्दैछ । आजको बैठकमा प्रधानमन्त्री पुष्पकमल दाहाल ‘प्रचण्ड’ ले सांसदहरुले उठाएका बिषयमा जवाफ दिने छन् । प्रधानमन्त्री प्रचण्डले मुलुकको पछिल्लो अवस्थाबारे संसदलाई जानकारी गराउनेछन् ।

त्यस्तै आजको बैठकमा प्रधानमन्त्री प्रचण्डले ‘राज्यका निर्देशक सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धिसहितको आ.व. २०७८/०७९ को वार्षिक प्रतिवेदन’ पेस गर्ने पनि सम्भावित कार्यसूची रहेको छ ।

एक दिनको बैठकमा बढीमा १५ जना सदस्यले मात्र प्रश्न सोध्न सक्ने व्यवस्था नियमावलीमा छ।