एक दुई पात पहेँलिएर खस्दैमा रुखलाई केही फरक पर्दैन : अध्यक्ष ओली

काठमाडौं  । नेकपा एमालेका अध्यक्ष केपी शर्मा ओलीले माधवकुमार नेपालसहितका नेताले अर्को पार्टी गठन गर्दैमा केही फरक नपर्ने बताउनुभयो ।

शनिबार युथफोर्सले आयोजना गरेको कार्यक्रममा ‘एक दुई पात पहेँलिएर खस्दैमा रुखलाई केही फरक पर्दैन , रुखमा नयाँ नयाँ पालुवा पलाउँदैछन् , नयाँ नयाँ हाँगा हाल्दैछन् ’ उहाँले भन्नुभयो ।

अध्यक्ष ओलीले माधव नेपालले गठन गरेको नेकपा एकीकृत समाजवादी पार्टीले अरु पार्टीसँग मोर्चाबन्दी गर्ने आफूले सुनेको भन्दै एमालेसँग एक्लै लड्न सक्दिन भन्ने निश्ष्कर्षमा पुगेको टिप्पणी समेत गर्नुभयो । उहाँले एमालेलाई षड्यन्त्रपूर्वक सरकारबाट हटाइएको भन्दै अब आउने चुनावमा सबै षड्यन्त्रको हिसाब लिने बताउनुभयो ।

‘अब कुनै पनि निर्वाचन क्षेत्रमा अरुलाई जित्न दिँदैनौं’ ओलीले भन्नुभयो । ओलीले पार्टी फुटेको नभई केही बिग्रिएका मान्छेले पार्टी छाडेको बताउनुभयो । ‘केही मान्छे पतीत भएका हुन् बिग्रिएका हुन् । बिग्रिएका मान्छेले पार्टी छोडेका हुन्’ उहाँले भन्नुभयो ।ओलीले एमाले फुटेको नभई अलिकति चोइटिएको बताउनुभयो । ‘फुट्नु र चोइटिनु फरक कुरा हो । चोइटाको कसलाई खाँचो हुँदैन ।